( membacanya munkin lebih ayik sambil dengarkan lagu, anda cukup meng-klik tanda panah di kolom balagu di sebelah kanan )

Episode I
udin kuriak, baru jago dari lalok.. samalam tadi baliau ko serius bana manonton tivi… soalnya udin kuriak takuik bana katinggalan carito, untuak ka diotakan bisuak pagi di kadai ismainur di simpang satria, tampek biaso beliau bakumpua jo konco2 nan lain….
kiniko carito ko aktual taruih , soalnya banyak ragam nan mambuak takajuik kito, samolo mode sinetron… ado2 sajo nan tajadi.. udin kuriak indak namuah kalah dalam hal imformasi mode iko,… beko ta impik lo resi beliau ko….sahinggo batanggang juo udin kuriak mancilalak matonyo manonton tivi.. iyo subana serius…..
alah disusun isyu2 nan hangat dan informasi nan paling aktual untuk kadiskusikan, mulai dari urang nan tatangkok maliang simangko sampai urang nan tatakok dek maliang ayam … pokoknyo komplit……
sambia banyayi ketek udin kuriak mandi , basege – sege kalapau ismainur , inyo yakin urang2 ko alah indak sabar manunggu inyo…..
assalamualaikum…. udin tibo di muko lapau,,,, indak ado nan manjawek do , di ulang sakali lai, indak juo ado… kironyo urang2ko alun tibo lai.. , one ris nan dikadai sadang sibuk lo mamandikan anaknyo nan bungsu.. indak tadanga dek beliau lo….tinggalah udin kuriak bamanuang surang di palanta kadai..
alah saparampek jam duduak, tibola uda pili dari bayang,,, inyo caliak siudin ko bamanuang bantuak ayam tamakan kajai..disapolah dek baliauko… “Din.. baa dek coitu bana bamanuang, apo nan marintang di pangana tu….kama urang kadai ko… langang bana hariko.”.. kecek uda pili sambia maambiak paniaram.
“ambo binguang kiniko, awak tibo kawan tak ado, one ris sadang tabangkalai lo karajonyo,” jaweknyo ka uda pili….
banyak nan ka ambo diskusikan jo kawan2 disiko tentang kejadian2 nagari awak ko, keceknyo baliak..
uda pili manggut2 sajo, soalnya beliau indak paham bana masalah2 nan model iko, nan tantu dek baliau ko.. baa caronyo batanam lado nan subur dan indak kanai ulek daunnyo….pas babuah aguang harago lado ko malonjak lo….
“masalah apo tu din.”. kecek uda pili pingin tau….dek badiskusikan bana, model acara2 ditivi nan sadang trend kiniko…..”barek bana masalah tu”
” di katokan barek indak lo,, dek uda. dikatokan ringan inyo iyo barek lo.. jawek udin kuriak…sambia mancukia hiduang gadangnyo….
urang se indonesia ko basamo-samo mangumpuakan pitih sen untuak di baok ka pengadilan untuak di agiakan ka seseorang…antah untuak apo pitih tu di pengadilan tu….kok pitih karateh nan nilainyo gadang alah biaso… iko ko pitih sen..pitih nan biaso kito agiahkan ka anak kito untuak balanjo di sikola…pitih nan samo haragonyo jo paniaram nan uda pili makan tu. kecek udin kuriak ko baliak…..
“.alah bansaik bana urang2 di pusat tu… sampai2 basidoncek lo urang kasadonyo mangumpuakan pitih sen….
atau pitih sen ko ka ditarik dari peredarannyo, dituka jo nan karateh…. jawek uda pili dek binguang
indak model itu masalahnyo dek uda pili, danga ambo ba carito kasaluruhannyo, tapi pasan la dulu kopi agak sakarek, buliah lamak carito ko.” kecek siudin kuriak sambia galak ketek….
ha..ha..ha…. tasambua galak uda pili…”alah jadi pengamat politik lo waang din”??, jan dipaturuikan bana informasi di tivi tu… alah banyak rekayasa ma..” jawek uda pili…
“kok iko ko indak rekayasa” iko murni kasus hukum kecek udin kuriak…. kasus nan manimpo uni prita dek karano barubek di rumah sakik internasional nan pelayanannyo indak rancak do…nan mabuek uni prita indak batambah sehat do tapi batambah sakik… utang batambah lo”……keceknyo baliak…
” nan biasonyo.. pelayanan di rumah sakik kito ko alah model itu ma..din ..memang alah biaso..ka dipangaan lai” susternyo iyo pamberang, dokternyo apo lai… manjawek uni ris dari dalam…sambia mambuek kopi.
‘ kok ka di kana.. iyo batambah sansai kito… badan sakik , perasaan batambah indak lamak do kok barubek kito karumah sakik, urusannyo berbelit-belit..ado2 sajo nan ditanyonyo.. alun kok urang bangsaik nan barubek, indak ka dilayani do….”kecek uni ris baliak
indak sesuai program pemerintah nan memberikan pelayanan kesehatan nan baik dan gratis ka masyarakatnyo do…, program ko hanyo janji2 sajo… rancak di wacana sajo, tapi di pelaksanaan amburadul….
” tu..batuaaa” manjawek uda pili….. kok sakik keluarga atau dunsanak kito, barubek sajo ka dukun lai…limau tujuh macam syaratnyo.. gampang. indak batele-tele urusannyo do……haragonyo murah meriah lo……
udin kuriak, jo uni ris..diam..monyong sajo bantuak mukonyo………..

Episode II
dek karano… takajuik mandanga statemen uda pili ko , udin kuriak timbua gagoknyo…… tabayang dek inyo berita2 di TV tentang dukun nan indak batua…banyak urang nan di tertipu….
iyo aalah sansai iduik di zaman kiniko…… indak ado nan bisa di picayo lai.. pusat2 pelayanan jasa rakyat badarai ko alah indak ado fungsi dan maknanyo lai.. nan ado kiniko rakyat makin marasai….sarawa ko makin tagurajai……
bialah… nan paralu awak lai bisa makan lauk kariang jo samba lado di kampuangko……
puncak langkisau lai tetap tagak manjago , timbulun jo batu kureta basumayan… banyak mantra nan batuah …. sekalian bala tabang lah jauah2…..
indak lamo sasudah itu tibo lah bang siwan jo langkah tegapnyo.. baliak dari mambecak di balai…. beliau ko kalau istirahat tetap ka kadai ko , sambie minum kopi banyak gurau dan curito kalua di siko.. hilang juo panek badan ko…kok ado lawan main catur dilayani dek beliau ko.. kok lai cukup barampek barulah kito bakoa… marintang hari…..malupokan kusuik hari nan tajadi setiap waktu….
“Kopi satangah ciek” sorak bang siwan…. salingkuang atok indak disabuik namo, indak ba imbau gala, ambo alah coki… mangopi kito , bapantun sero bang siwan ko….
” dari ma waang wan” sapo uda pili…. tarang bana hariko nampak dek aden kiniko…..alah bapantun lo waang…
banyak nan mamakai becak ang , Wan .. kecek uda pilih ko baliak…..alah bisa kito main
catur.. alah suntuak pangana ambo bamanuang di kadai ko..rarau uda Pili….
” dima nan cerah hariko dek uda” ekonomi urang subana sulit kiniko.. dari pagi ambo di balai alun ado dapek sewa lai…. tukang becak kiniko alah pakai HP.. jadi kalau ado pelanggan na paralu jo jasa awak , inyo tingga menghubungi, sedangkan ambo , HP bana nan indak ado….
kok pai kaluik, lauak bana nan alah tabang…bagan urang canggih2. habis lauk kito nyo jalo…
dunia ko wale..uda pili , Kecek bang siwan , sambie maminum kopi……
” ha..ha..ha…” jan dipikia bana Wan… zaman tu bana nan edan kini” manyalo kecek udin kuriak ko…..kok mancari pitih , harus pakai pitih lo… sogok manyogok ko alah biaso…. nan banyak pitih juo nan ka manjadi…….
” caliak barita di tivi” dek karano sogok manyogok ko heboh nagari.. sampai2 angku palo kito , ba ibo hati… indak tantu nan kadiputuskan…..balai adat alah indak ado gunonyo, patuik juo nagari kito ko kanai Gampo….. ota udin kuriak ko…
“tu batuaaa” gurau uda pili……. mahasiswa sajo alah bosan menuntut ilmu, hobinyo kiniko tawuran. alah samo lo jo jo parewa kampuang…..” generasi intelektual kito alah mulai pudar” indak terkontrol lai do… jawek uda pili.
“Tambah ciek” kecek bang siwan….Pemimpin kito acok Palupo….lupo jo tanggung jawab dan kewajibannyo…..na takana dek inyo… dima paruiknyo kanyang sajo.. sudah tu lalok cando ula gadang…..baa nasib kito ko inyo indak mau tau sajo….
“ha…ha…ha…..ha…; tuuuuuuu batuuuuuaaaaaa ”
……….. ( bersambung.. lihat di http://www.facebook.com/note.php?note_id=420774289452#!/note.php?note_id=200397589452 )

sebuah tulisan dari Novi Irawan di http://www.facebook.com/note.php?note_id=420774289452#!/profile.php?id=1684446692&sk=wall, cerita sederhana dalam langgam minang dengan mengambil set up sebuah warung yang bagi orang minang adalah ajang bersosialisasi dan berinteraksi tentang permasalahan yang terjadi, tentang membuang kerut merut di kening … begitulah sekelumit kegunaan “lapau” bagi orang minang.
membacanya ( sambil bergelak … hehehehe ) bagi saya merupakan pengobat kerinduan akan kampung halaman, akan kawan- kawan yang sekarang sudah berserak di bawa peruntungan dan kebetulan lokasi pengambilan cerita begitu akrab dengan saya … sambil mengingat nilai – nilai budaya kita yang semakin tergerus, seperti batu karang di tepian Langkisau yang tergerus ombak ….. salam sahabat